Katika hatihati ya kukata tamaa ya maisha - Uganda

Katika hatihati ya kukata tamaa ya maisha

AGNES OROMA

quotNilikuwa karibu kukata tamaa ya maishaquot

Agnes Oroma, mwenye umri wa miaka 39, ni mjane mwenye watoto watatu na wategemezi wengine kumi. Yeye ni wa Rwothumio Women Group. Anasema Enterprise Uganda ilikuja wakati alihitaji mkono wa kumshika asianguke. quotNilikuwa na biashara ya mbao katika Jamhuri ya Kidemokrasia ya Kongo nilipopoteza kila kitu nilichokuwa nacho kwa askari ambao walininyang'anya mbao zangu zote na kuchukua pesa zote nilizokuwa nazo. Ilikuwa ni wakati wa majaribu na nilikuwa karibu kukata tamaa ya maisha kwani sikuwa na lolote.”

Rafiki yake alimwalika kwa mafunzo ya Enterprise Uganda. Ilikuwa ni kushughulikia hali ya akili. Idadi ya wawezeshaji walizungumza na kuwapa matumaini na kuwatia moyo kutazama mambo kwa mtazamo chanya. Wawezeshaji walisimulia hadithi ya Bumble Bee ambayo inamudu kuruka hata wakati watu wengi walidhani haina uwezo wa kuruka. Jambo hilo lilimpa moyo Agnes na kuanza kujiwazia akiwa ameshika tena mamilioni ya pesa.

Katika mafunzo hayo alijifunza kuhusu Enterprise Selection na Projected Income Statement ambayo ilimwezesha kutambua fursa ya biashara ya kulima na kuuza kahawa na ndizi (matooke).

Baada ya mafunzo hayo, aliuza kiwanja chake kwa shilingi milioni 4.8 na kutumia milioni mbili kununua kahawa kwa ajili ya kuuza; milioni mbili nyingine kuajiri na kuandaa ardhi nchini DRC kwa ajili ya kupanda maharagwe na mahindi na UGX800,000 kwa ajili ya kulipia karo za shule. Baada ya kuvuna, alikusanya shilingi milioni 4.2 kutoka tani mbili za maharage na tani moja ya mahindi na pia aliendelea kununua na kuuza kahawa.

Kazi thabiti shambani hujenga biashara yenye thamani ya shilingi m 20

Tangu wakati huo amekuwa na mseto katika kutengeneza sabuni na losheni, kupanda ndizi, kahawa, maharagwe, vitunguu na mahindi, na kuvuna panzi ambao anauza nchini DRC. Pia alifungua duka la kuuza sabuni na losheni katika mji wa Paidha. Tangu 2014, amekuwa akifanya kazi shambani mara kwa mara na mauzo yake ya kila siku kati ya UGX300,000 na UGX800,000 kwa siku. Biashara zake zina thamani ya zaidi ya shilingi milioni 20.

Kwa sasa Agnes ameajiri wafanyakazi 11. Ana binti katika Chuo Kikuu cha Kyambogo ambapo analipa karo ya shilingi milioni 1.4 kwa muhula na mtoto mwingine katika A-level. Amenunua viwanja viwili ndani ya halmashauri ya mji: kiwanja kimoja shilingi milioni kumi na kingine shilingi milioni sita. Anapanga kujenga nyumba ya kuishi na kuacha ya sasa kwa ajili ya biashara.

Sasa ana ushawishi mkubwa katika kundi lake na jamii kwa ujumla na kuwahimiza wanawake wenzake kuacha kuwategemea waume zao kupita kiasi. Waanzishe biashara zao kwa pesa zozote walizonazo ili kuwa na kipato endelevu endapo waume zao hawapo tena. Anashukuru Enterprise Uganda kwa kuweka tabasamu usoni mwake kwa mara nyingine tena.